«Barys Truck Manufactory» ЖШС Қазақстан Республикасының аумағында жүк және жол-құрылыс техникасын өндіру жобасын жүзеге асыруда. Жоба аясында Қытайдың ең ірі мемлекеттік құрылыс техникасы өндірушісі – XCMG концернімен (Xuzhou Construction Machinery Group Co., Ltd.) лицензиялық келісімге қол қойылды. 1989 жылы құрылған XCMG компаниясы құрылыс техникасын өндірушілердің әлемдік рейтингінде Қытайда – 1-орынды, әлемде – 3-орынды иеленеді. Ынтымақтастық шеңберінде заманауи технологияларды беру, шетелдік серіктес әзірлеген бірегей жабдықтар мен инженерлік шешімдерді пайдалану қарастырылған. Бұл қазақстандық кәсіпорында халықаралық талаптарға сай жоғары сапа және тиімділік стандарттарын енгізуге мүмкіндік береді. Шығарылатын өнім түрлеріне мыналар кіреді: — өздігінен түсіретін жүк көліктері (самосвалдар); — седан-тягачтар (жол сүйрегіш жүк көліктері); — фронтальды тиегіштер; — автогрейдерлер; — бульдозерлер. Кәсіпорынның өндірістік базасы заманауи өнеркәсіптік кешен болып табылады және технологиялық циклдің әрбір кезеңіне жауап беретін бес негізгі өндірістік бөліктен тұрады: 1. Кузовтарды дайындау және бояу цехы; 2. Рама дайындау цехы; 3. Шассиді жинау және сынау цехы; 4. Кабиналар өндіру цехы; 5. Кабиналарды бояу цехы. Қазіргі уақытта жобаның I кезеңі – алдын ала сараптама сатысынан өтті. Материалдар II кезеңге – кеңейтілген сараптамаға жіберілді. Бұл кезеңде жоба туралы егжей-тегжейлі ақпарат пен қаржылық-экономикалық есептер Өнеркәсіпті дамыту қорына ұсынылады. Аталған кезең РМҚК «Мемсараптама» ұйымының оң қорытындысы алынғаннан кейін аяқталады. Тиісті құжаттар сараптамаға жолданған.